Leonardo, njeriu i parë që i kundërvihet Berlusconit

“Askush nga rrethi i kryeministrit, nga ministrat e tij e deri te njerëzit udhëheqës të AC Milan, asnjëherë nuk ka pasur guxim që t’i kundërvihet Berlusconit.

Deri te Leonardo”. Ky është konluzioni i komentit të publikuar në “Sky Sportin” italian. Të gjitha mediat italiane janë duke e festuar kundërshtimin publik të trajnerit të futbollistëve të Milanit, Leonardo Nascimento de Arau, i cili është vënë në mbrojtje të vetvetes dhe ekip[it të vet pas kritikës, për të të zakonshme për lojtarët dhe trajnerin, të kryeministrit dhe pronarit të AC Milan, Silvio Berlusconi. I nervozuar me humbjen në fushën vendëse nga Manchester Unitedi, Berlusconi ka akuzuar trajnerin e ri se nuk i ka aktivizuar lojtarët. Në këtë akuzë, Leonardo është përgjigjur: “Po të dëshirojë kryetari një gjë të tillë, ai mund të largohet menjëherë nga klubi”. Kolumnisti i njohur i “La Republicca”, Massimo Mauro, ka shkruar: “Lepnardo do të duhej të formonte parti të vete personale me emrin ‘Karrigia e lirë’. Hallall të qoftë Leonardo, për aftësinë tënde dhe bravo për leksionin mbi dinjitetin të cilin kohë të gjatë nuk e kemi parë”, duke shtuar në mënyrë sarkastike se reaksioni më i guximshëm për t’iu kundërvënë kryeministrit ka ardhur nga mjedisi prej të cilit më së paku është pritur. 

Add to: del.icio.us | Digg