Eli Fara: Ftesa që më tmerroi...

Ajo do të jetë një nga “yjet”që do të performojë në spektaklin

 “Të kërcesh me yjet”. Por, e pranon se kjo ftesë para se t’i pëlqejë e ka tmerruar. “T’iu them të drejtën, ftesën nuk e prita me ndonjë entuziazëm dhe në fillim më tmerroi, pata dhe vijoj të kem një ankth, nëse do të funksionoj apo jo në këtë gjini, s’di në do t’ia dal. Sigurisht është një përvojë e bukur, megjithëse provat e para ishin aq të vështira

sa nuk ka ku të shkojë. Më pas kur e përvetësoj një lëvizje, sado e vogël, më duket sikur e kam ditur të gjitha herët. Është vërtet interesante kjo eksperiencë, nga të gjitha që kam përjetuar deri më sot”, ka pohuar për mediat shqiptare këngëtarja e muzikës popullore Eli Fara.