Bashkim Paçuku shpërblehet me çmimin e parë në New York

në New York të Shteteve të Bashkuara të Amerikës, tenori shqiptaro-amerikan, Bashkim Paçuku është shpërblyer me çmimin e parë

Bashkim Paçuku, tenori shqiptaro-amerikan është shpërblyer me çmimin e parë në konkurrimin për çmimin ndërkombëtar për këngëtarët klasikë Barry Alexander, në New York të Shteteve të Bashkuara të Amerikës.

Me interpretimin e tij me një program recital, të dielën e fundit në sallën e famshme “Carnegie Hall”,  të New York-ut ai ka arrite të triumfojë në këtë garë të madhe ku kanë marrë pjesë artistë të famshëm.

Tenori shqiptaro-amerikan me origjinë nga Dibra e Madhe, Bashkim Paçuku ka një karrierë të gjatë dhe të suksesshme, e cila ka filluar në Ballkan, fillimisht në Shkup, ku ka kryer studimet në:  Kosovë, Kroaci, e më pas është shtrirë në disa vende evropiane sikurse në: Itali, ku ai ka interpretuar në teatrin La Skala, në Moskë, në teatrin Çajkovski dhe në vende të tjera evropiane: Spanjë, Francë, Austri, Gjermani… Që prej vitit 1990 Paçuku ndodhet në Shtetet e Bashkuara, ku ai ka studiuar dhe tani jep mësim në Univertistetin e Bostonit.

mydibra.com